بعدين معاك
وانا قدر ما ابعد خطاوي اللهفة عنك
تشتهيك
حتى الدروب
بتزازي في ضل المسافة
البيني بينك
كايسة ليك
وانا رجلي كايساهو الطريق
الماشي منك
ومابجيك
كل ما أقول فايتاك براي
الروح تجابد في القعاد
وانفاسي تجري على مشيك
قول لي بس
وينو السبيل
المافتح نفاجو
شان يمرق عليك
وينو الزمن
البلقى فيه خطواتي بتطابق غناي
والحاني مابتشبه عينيك
يا دا الزمن
من وين اجيك
يادا الحبيب
ماتسيبني أمرق مني ليك
مالك علي
تجي نتفق
اديك شنو
وتديني ضل
مابشابي لي ضمة ايديك.